නාමල්ගෙන් සෑම මැතිවරණ කොට්ඨාසයකටම කර්මාන්තයක්

තම රජයක් යටතේ සමෘද්ධි ව්‍යාපාරය සවිමත් කිරීමට පියවර ගන්නා බව ශ්‍රී ලංකා පොදුජන පෙරමුණේ ජනාධිපති අපේක්ෂක නාමල් රාජපක්ෂ මහතා පැවසීය.

දොඩම්ගස්ලන්ද ප්‍රදේශයේ අද (26) පැවති රැස්වීමකට එක්වෙමින් ඔහු මේ බව සඳහන් කළේය.

"සමෘද්ධි ව්‍යාපාරය තුළ තමයි මේ රටේ ග්‍රාමීය ආර්ථිකය වගේම අහිංස දෙමාපියන්ව දුප්පත්කමින් එළියට ගන්න පුළුවන් වැඩපිළිවෙල තියෙන්නේ. පැහැදිලිවම මම හදන ආණ්ඩුවක් තුළ සමෘද්ධි ව්‍යාපාරය ශක්තිමත් කිරීමේ වැඩපිළිවෙල ක්‍රියාත්මක කරනවා. අපි සමෘද්ධිලාභියාව ව්‍යවසායකයෙක් බවට පත්කරනවා. සමෘද්ධි පවුලේ දරුවට දේශීය විදේශීය රැකියා වෙළඳපොළට යන්න පුළුවන් අවකාශය හඳනවා. අපි ආයෝජකයෝ ගමට ගේනවා. රැකියා උත්පාදනය කරන්න අවශ්‍ය පරිසරය අපි නිර්මාණය කරනවා. අපි හදන ආණ්ඩුවක් තුළ සෑම මැතිවරණ කොට්ඨාසයකටම කර්මාන්තයක්, කර්මාන්තයකට ආයෝජනය කරන්න පුළුවන් අවකාශය නිර්මාණය කරනවා".