නෙත්තමළුව රක්ෂිතයේ ගින්නක් - අක්කර ගණනක් විනාශයි

වැල්ලවාය, නෙත්තමළුව රක්ෂිතයේ විශාල ගින්නක් හට ගෙන ඇති අතර ඉන් අක්කර විස්සකට අධික භූමි ප්‍රදේශයක් සම්පූර්ණයෙන් විනාශ වී තිබේ.

වැල්ලවාය ප්‍රාදේශීය ලේකම් කොට්ඨාසයට අයත් නෙත්තමළුව කඳු රක්ෂිතයේ ඊයේ (27) පස්වරුවේ දී මෙම ගින්න හටගෙන තිබුණි.

ගින්න ඊයේ රාත්‍රී කාලය පුරාවටම කඳු රක්ෂිතයේ වේගයෙන් පැතිර ගොස් ඇත.

මෙම දිනවල එම ප්‍රදේශයට පවතින දැඩි වියළි කාලගුණය සහ සුළං තත්ත්වය හේතුවෙන් වරින් වර නෙත්තමළුව රක්ෂිතයේ ගිනි ගැනීම් සිදුව ඇති අතර ගින්න පැතිරයෑමට ද එය හේතුවී තිබේ.

හරිත වර්ණයෙන් ස්වයංපෝෂිත සංවේදී පරිසර පද්ධතියක මෙම ගින්න පැතිර ගොස් ඇති අතර අද (28) අලුයම වන විට ගින්න පාලනය කර තිබූ නමුත් තැනින් තැන තවමත් ගිනිගැනීම් දක්නට ලැබෙන බව "අද දෙරණ" වාර්තාකරු සඳහන් කරයි.