තරුණියන් දෙදෙනෙක් දියේ ගසාගෙන යයි
September 15, 2024 08:13 am
නාඋල, බෝවතැන්න ජලාශයේ සොරොව්ව විවෘත කිරීම හේතුවෙන් අඹන් ගඟේ ජල මට්ටම ඉහළ ගොස් මොරගොල්ල ප්රදේශයේ දිය නාමින් සිටි කාන්තාවන් දෙදෙනෙකු දියේ ගසාගෙන ගොස් ඇත.
කෙසේ නමුත් මේ පිළිබඳ නාඋල පොලිසියට ලද දැනුම්දීමක් මත වහාම ක්රියාත්මක වූ පොලිස් නිලධාරීන්, ජලාශයේ ජලය පාලනය කර තිබේ.
පසුව දඹුල්ල පොලිස් ජීවිතාරක්ෂක නිලධාරීන් කැඳවා දියේ ගිලෙමින් සිටි කාන්තාවන් දෙදෙනා බේරාගෙන ප්රථමාධාර ලබාදී දෙමව්පියන් වෙත භාර දී ඇත.
මෙලෙස අනතුරට පත්වූ කාන්තාවන් දෙදෙනා අවුරුදු 20 හා 25 වයස්වල පසුවන කෝන්ගහවෙල හා කාගම ප්රදේශවල පදිංචිකාරියන් බව පොලිසිය පවසයි.